Inamin ni Senadora Risa Hontiveros na tila hindi pa rin ganun ka-worth it ang mga nakuha nilang detalye sa nakaarang executive session kay Alice Guo bagamat tumagal ito ng halos isang oras.
Anya, halos kaparehong detalye lang kase sa dati ang nakuha nila at kung may kapiraso mang bago ay sinusubukan pa nila itong i-follow up sa open hearing.
Kasunod nito, wala na umanong nakikitang posibilidad ang senadora na magkakaroon pa ng isang executive session kay Guo.
Matatandaan, bago magsimula ang nakaraang POGO hearing ay minabuti ng mga senador na unahin ang executive session upang matiyak na hindi magbabago ng isip si Guo sa pagsasailalim dito.
