Arestado ang isang indidibwal na sangkot sa human trafficking sa isang entrapment operation sa Angeles City sa Pampanga kahapon.
Sa ulat ng Police Regional Office-3, nailigtas sa suspek na kinilalang si alyas “Aira” ang limang menor de edad na biktima.
Naaresto ang suspek ng pinagsanib na pwersa ng Regional Anti-Trafficking in Persons Task Group 3 at Regional Women and Children Protection Desk matapos makipag negosasyon ang mga operatiba kapalit na sexual services.
Ang mga nasagip na biktima, na pawang mga residente ng Angeles City, ay kaagad binigyan ng tulong at isinailalim sa medical examinations sa tulong ng City Social Welfare and Development Office.
