Nag-sorry at nagpaliwanag si Senator Robin Padilla sa nag-viral na video kung saan nakita ang kanyang pagsusuklay ng bigote habang nasa hearing ng Senado.
“Tayo po ay humihingi ng despensya sa mga taong nasaktan sa pagiging suklayin mo baby”
Ayon sa senador, hindi maiiwasang suklayin niya ang kanyang bigote dahil sadya itong makati.
Ngunit, wala umano siyang intensyon na ipahiya si Senator Raffy Tulfo na nakita sa live ng Senate hearing na nagsasalita habang siya ay nagsusuklay ng bigote sa gilid gamit ang kanyang maliit na suklay.
Paglilinaw nito, nagpapatubo siya ng bigote bilang paghahanda sa nakabinbin niyang pelikula na tampok ang buhay ng bayaning si Marcelo Del Pilar.
