Malipayon nga ginselebrar sang mga pumuluyo ang ika-37 nga founding anniversary sa Roxas City sumugod Mayo 10-12, 2024.
Gindugmok sang mga tumalan-aw ang una nga adlaw sang selebrasyon kun sa diin isa sa mga ginhulat sang tanan ang pagperform sang banda nga Parokya ni Edgar sang Mayo 10 sa plaza sang siyudad, samtang nagtukar man sang Mayo 11, ang Chocolate Factory sa People’s Park sa Barangay Baybay.
Napuno man ang mata sang mga tumalambong sa ginpatigayon nga pasundayag sa kaadlawan, sigabong fireworks display kag madamo pa. Sa kabug-osan nangin malinong kag matawhay ang pagsaulog sang kaadlawan festival 2024.| Ken Mark Gicalde