LEGAZPI CITY – Arestado an sarong security guard sa Jovellar, Albay na may kasong attempted homicide sa ikinondusir na manhunt operation sa Purok 6, Brgy. Florista kan nasambit na banwaan.
Naarestar an 44 anyos na akusado sa kusog kan mandahamiento de aresto para sa nasambit na kaso na inisyu kan MTC Camalig-Jovellar na may petsang October 20, 2023.
Maabot man sa PHP36,000 na piyansa an itinalaan sa akusado para sa saiyang temporamenteng libertad.
Nasa kustodiya na ini kan Jovellar MPS para sa magkakanigong disposisyon.