Ginpasiguro sang City Government ang seguridad sa pagselebrar sang palaabuton nga Sinadya 2023 sa siyudad sang Roxas.
May kaantanan sini, isa ka sinapol ang ginpatigayon para sa peace and order, safety and security team nga magabantay sa kabug-usan nga selebrasyon sang nasambit nga festival ilabi na sa Disyembre 4 tubtob 9, 2023.
Ginplastar sa pagsinapol ang pag-establisar sang Incident Command Center, Checkpoints, security plans, kag deployment sang police personnels, bureau of Fire and Protection, Coast Guard, AFP, Maritime Police, CDRRMO-RCERT, TMU, CORE kag iban pa nga mga force multipliers.
Ginahinyo naman sang City Government ang kooperasyon sa pumuluyo para sa masadya kag luwas nga selebrasyon sang Sinadya 2023.
