NAKATALA ang kapulisan sa Sarangani og ‘zero crime’ sa upat kaadlaw nga selebrasyon sa karong tuiga sa MunaTo festival. Matud ni Police Lt.Col. Dennis Madriaga, Deputy Provincial Director for Operation sa Sarangani Police Provincial Office (SPPO) gikan pagsugod atong sabado, Nobyembre 25, wala sila’y natala nga krimen. Wala natala nga ‘major’ ug ‘minor’ incident sa mga adlaw sa selebrasyon asa gihimo ang dagkong aktibidad, sama sa Pearl of Sarangani.
Lakip ang street dancing, motorcross ug uban pa nga aktibidad kalabut sa selebrasyon. Mokabat sa 300 ka pulis ang gipakatag sa lugar aron masiguro ang seguridad sa tanang, dugang ni Madriaga. I Richel Gubalani