Andam na ang seguridad alang sa ipahigayon nga Pasigarbo sa Sugbo festival sa Carcar City, habagatang Sugbo karong Domingo, Agosto 27.
Mokabat sa 2,000 ka personnel gikan sa Philippine National Police, Armed Forces of the Philippines, Philippine Navy, Philippine Coast Guard, National Bureau of Investigation, Philippine Drug Enforcement Agency-7, Land Transportation Office, Land Transportation Franchising and Regulatory Board (LTFRB 7) ug Carcar City Hall ipakatap sa adlaw sa Pasigarbo sa Sugbo.
Usa sa gihugonhugon nga motambong sa maong kalihukan mao si Presidente Ferdinand “Bongbong” Marcos Jr., apan wa pa kini makompirmar sa kapolisan.
Matud sa Cebu Provincial Government, adunay 50 ka mga town contingents nga mosalmot sa street dancing ug ritual showdown competition.//
