Mokabat sa kapin tres mil ka personahe ng Davao City Security Cluster ang ideploy sa nagkadaiyang bahin sa
central business district sa syudad, ilabi na sa mga lugar dagsaonon sama sa mga mall, palengke, ug ubang mga lugar.
Sumala kang City Public Safety and Security Command Center o PSSCC Chief Angel Sumagaysay, luyo nga walay bahad sa seguridad ang dakbayan apan dili angay magkumpiyansa ang Security Cluster.
Lakip sa ideploy ang mga personahe sa Davao City Police Office, Task Force Davao, ug ang mga sakop sa Civil Secuirty Unit o CSU, kung asa tutukan nila ang mga area of convergence sama sa mga mall ug palengke.
Hugot nga seguridad usab ang ipatuman sa Davao City Overland Transport Terminal, sa mga pantalan ug airport nag laumang dagsaon sa mga pasahero karong Pasko ug Bag-ong Tuig.
Alayon niini, gipahinumduman sa opisyal ang mga Dabawenyo kalabot sa gipatumang Culture of Security diin kabahin niini ang hugot nga pagbawal sa pagsul-ob og
jacket ug backpack, pagdala og non-transparent nga water container sa mataong lugar.
nanawagan ang otoridad nga mobatabang sa pagbantay sa kahapsay ug kalinaw og ireport kung dunay mamatikdang mga butang, tawo ug mga aktibidad nga posibleng makahatag og peligro sa tanan.
