Ginasaligan nga magig operational eun do segment 1 it Panay-Guimaras-Negros (PGN) Island Bridge bago matapos do termino ni Pangueong Ferdinand Marcos Jr., daya hay suno kay Department of Public Works and Highways (DPWH) sa Western Visayas.
Suno kay DWPH Western Visayas Regional Director Engr. Sanny Boy Oropel do award ag notice to proceed hay napasa eun sa consortium agud pagatun’an do detailed engineering design (DED) para sa Panay-Guimaras Segment 1 ag Guimaras-Negros Segment 2.
Nakataeana sigon nga makompleto do DED it Segment 1 sa katapusan it Desyembre 2024.
Do segment nga naga konekta sa Panay ag Guimaras hay umabot sa 13kl samtang do Guimaras-Negros man hay 19.47 kl.
Nasayuran nga do nasambit nga proyekto hay may ponding P189 bilyon kung siin 20 bilyon kara hay gintaeana sa pagbuoe it right of way.//MERIAM LUMBRES AGDIPA
