Seedbanking sang mga traditional rice varieties, ginapanawagan kaupod sang NIR approval

-Reymund Titong

KABANKALAN CITY, Negros Occidental — Kaupod sa pagpasar sang Negros Island Region (NIR) Act, ginapanawagan sang mga mangunguma nga tagaan igtalupangod ang pag-patukod sang seedbank sang mga traditional rice varieties (TRVs).

Ang mga TRVs ang mga binhi sang mga humay nga duna sa pungsod Pilipinas kag ginalantaw nga mas barato ang maintenance kun e-kumparar sa iban nga hybrid seeds nga mas naga-salig sa mga kemikal.

Sa interview sang Brigada News FM-Kabankalan kay Dennis Omison sang Masipag-Negros, madamo sa isla sang TRVs nga kaya mabuhi sa ulan kag init, kag naka desenyo sa tyempo sang Pilipinas.

Dugang pa ni Omison nga ang mga hybrid seeds nga gina-tanyag sang gobyerno ang nagasalig sa mga kemikal, nga mas mahal ang presyo, kun e-kumparar sa pag gamit sang organic fertilizers kun traditional rice varieties ang igatanum sang mga mangunguma.

As of June 2023, may na conserved si Masipag nga 772 ka TRVs sa National Back-up Farm sa Nueva Ecija, may 1,205 Masipag Rice, kag 180 ka Farmer-bred rice.

Aminado man si Omison nga may mga matig-a nga variety sang bugas, pero madamo man sang mga mahumok kag mahumot nga traditional rice.*

Leave a Reply

Your email address will not be published. Required fields are marked *