LEGAZPI CITY – Kinumpirmar kan Albay Electric Cooperative (ALECO) na makakaeksperyensya nin 30 minutong power interruption, puon alas 9 sundo alas 9:30 nin aga, asin alas 4:30 sundo alas 5 nin hapon sa aga an 18 barangay sa syudad kan Legazpi asin 2 barangay sa banwaan kan Daraga, Albay na sakop kan Bitano Feeder 4.
Kaibahan sa mga apektado sa Legazpi an mga barangay kan Bogtong, Gogon, Bonot, Rawis, Arimbay, Bagong Abre, Bigaa, Padang, Buyuan, Matanag, Bonga, Mabinit, asin an nagkapirang porsyon kan Cruzada, mantang sa banwaan naman kan Daraga iyo an Bañadero asin Matnog.
Susog sa abiso kan ALECO, huli ini sa massive line clearing activity na gigibuhon kan kooperatiba.
Mientrastanto, makakamate man nin 8 oras na brownout puon alas 9 nin aga sundo alas 5 nin hapon an mga barangay kan Tamaoyan, Pawa, Dita, asin San Joaquin kan kaparehong syudad.
