Nakakuha ng iba’t-ibang parangal ang Schools Division Office (SDO) Isabela sa isinagawang virtual recognition para sa Advocacy of Rights, Accountability and Leadership o ARAL 2021.
Iginawad sa SDO Isabela ang pitong parangal mula sa eight awards na kinabibilangan ng Child Protection Champion, School-Sites Champion at Best Performing Legal Unit.
Kampeon din ang San Manuel Central School (Elementary Level) and San Mateo Vocational and Industrial High School (Secondary Level) sa Best School-Based Child Protection Implementer Category.
Habang nanguna naman ang Jones Rural School sa pagpapamalas ng kanilang best practices matapos mag-champion sa Best School-Based Child Protection Policy Implementers.
Ayon kay Schools Division Superintendent Madelyn Macalling na ang naturang mga parangal ay nagpapakita lamang ng kanilang team work at commitment sa lahat ng adbokasiya para sa karapatan ng mga mag-aaral.
Nagpasalamat din ito sa DepEd Region 2 sa pangunguna ni Regional Director Benjamin Paragas at iba pang opisyal upang bigyang pagkilala ang kontribusyon ng SDO Isabela ngayong new normal.
