ANAA sa 50 hangtud 70 porsiento sa mga elementary ug high school sa GenSan ang willing matud pa ang mga school heads nga magpahigayon og school based vaccination batok COVID-19.
Kini ang gibutyag ni Dr. Karl Ivan Igrobay taga City Health Office luyo sa bahad nga padayun ang pagsaka sa COVID-19 cases sa GenSan ug sa opening sa klase.
Samtang gibutyag usab ni Igrobay nga adunay pagsaka sa kaso sa COVID-19 sa GenSan apan lakip usab sa ubang lugar sa nasud.
Luyo sa pagtaas sa kaso nga anaa sa average nga 7 hangtud 9 ka kaso, kadaghanan o halos 97 percent ang mild o asymptomatic apan anaa gihapon ang pagtinakdanay labi na kung may mutation sa virus.
Tungod niini, padayun ang pag-awhag sa mga wala nabakunahan nga magpabakuna ug magpa-booster sa mga nakakumpleto sa bakuna.
Ang vaccination site abli alas 9 hangtud alas 3 sa hapon, Lunes hangtud Biyernes sa mga health center sa barangay sa GenSan ug sa mga mall, alas 10 sa buntag hangtud alas 3 sa hapon.
Sa karon, ginatutukan sa City Health Office nga mabakunahan ang mas dakong porsiento sa 5-11 group samtang 71 percent ang anaa sa
12-17 group nga fully vaccinated.
