MUGNAON sa GenSan ang school-based vaccination dungan sa ubos nga vaccination turnout sa 5-11 anyos age group. Matud ni Romelito Flores, Schools Division Superintendent sa Department of Education (DepEd) GenSan 50 na katulunghaan ang nagtugot sa pagmuna niini.
Tumong mawhag ang mga ginikanan o guardian nga mabakunahan batok Covid-19 ang ilang mga estudyante. Sa datus sa DepEd- GenSan, gikan sa 91,716 total population sa elementary learners naa sa 89,676 ang unvaccinated. Asa naa lang sa 2.22% o 2,040 ang bakunado batok Covid-19 sa maong age group.
Usa sa nakitang rason ni Flores, mao ang padayong kahadlok sa mga ginikanan sa epekto sa bakuna ngadto sa ilang mga anak. Tungod niini, pakusgan sa DepEd kauban ang City Health Office ang paghatag og saktong impormasyon sa mga ginikanan kalabut sa bakuna.
Magpulong usab ang ahensiya ug CHO kung paunsa himoon ang school-based vaccination sa mga tulunghaan sa siyudad. I Richel Gubalani
