WALA na malingaw ug giluod na ang katawhan sa GenSan sa nagbalik-balik nga pamahayag sa kapulisan sa mga nahitabong kriminalidad. Asa nahimong kaluluoy ang katawhan sa paghulat og lig-ong solusyon gikan sa kapulisan sa pagresolba ug pugong sa krimen.
Ang pamahayag ni Konsehal Atty. Kan Balleque ang dungan sa serye sa krimen nga nahitabo sa GenSan. Sama sa pagpatay sa pastil vendor, Purok tanod ug pagpanunilis sa mga establisimento asa ang usa pipila lang ka lakang gikan sa presinto.
Gumikan sa wala’y kahadlok nga paghimo og krimen migula nga dunay ‘culture of impunity’ sa siyudad. “We are seek and tired specially this humble representation of the usual de kahon lines of the police vis isolated incidence, we are on top of situation and this is under investigation etc, with due respect people are not amused,” asoy ni Balleque.
Ang pamahayag ni Balleque ang rason sa pagduso niini og resolusyon sa konseho sa paghangyo kang Mayor Lorelie Pacquaio. Sa pag-convene sa City Peace and Order Council (CPOC) aron makapahigayon og Peace and Order summit.
Tumong makamugna og komprehensibong lakang kung paunsa mahatagan og lig-on nga solusyon ang problema sa krimen. Nahimo na usab nga ‘superfacial’ ang pagmugna og checkpoint ugaling dunay mahitabong krimen ug ‘ningas-cogon’ nga reaksyon sa mga pulis.
Una nang, gibutyag ni PLt.Col. Aldrin Gonzales, tigpamaba sa City Police Office (GSCPO) luyo sa mga natala nga krimen. Pabiling luwas puy-an ang siyudad gumikan wala naapektohan ang kinatibuk-ang sitwasyon gumikan sa padayon ang negosyo ug aktibidad. I Richel Gubalani
