GIKWESTYON sa usa ka konsehal ang pagtugot sa GenSan sa transportasyon sa buhing baboy ug pork process product gikan sa African Swine Fever (ASF) infected areas. Matud ni Konsehal Kan Balleque, ‘suicidal’ ang lakang sa ehikutibo sa pagtugot sa pagsulod sa ‘hog’ product gikan sa red zone areas sa ASF.
Pipila ka bulan human ang pagpositibo sa mga baboy sa Purok San Lorenzo, Barangay Apopong ug pagpositibo sa mga baboy sa Upper Baluan, Barangay Baluan pipila kasemana human ang pagtugot.
Pangutana sa konsehal kinsa ang dunay interes ug duna ba’y nagdikta nga ‘bigtime player’ aron tugoton ang pagsulod sa maong produkto. Nagtuo ang konsehal nga delikado ang gihimong lakang LGU tunga sa problema sa ASF sa GenSan. Gihingusgan ni Balleque bisan paman accredited lang nga piggery farm ang gitugotan dili gihapon masigurong dili kini kontaminado.
Butyag ni Konsehal Richard Atendido, dunay proseso nga agian ang maong mga produkto bag- o kini makasulod partikular sa pantalan sa siyudad. Ang pamahayag ni Balleque ang dungan sa pagduso niini ug pag-apruba sa konseho sa resolusyon sa pag-awhag sa mayor nga tanggalon ang pagtugot niini sa pagsulod sa mga nasangpit nga produkto.
Hulyo, gitugotan ni Mayor Lorelie Pacquaio ang pagsulod sa hog products gikan sa red zone padulong sa GenSan nga protected zone. I Richel Gubalani
