Nagdaug ro naging pinasahe nga koleksyon it ‘Scarecrow’ ni Ryan Salazar Lopez sa Precious of Malaysia Fashion Week sa Kuala Lumpur, nga nakabuoe it Best Traditional Design award para sa makabag-ong timpla kara it classic ag contemporary aesthetics.
Si Lopez hay sangka Aklanon fashion designer ag ro ana segun nga koleksyon hay halin sa ideya nga may kaangtanan sa ginabutang nga pagpanghadlok sa pispis it mga mangunguma sa eanas, o mas kilaea sa tawag nga scarecrow.
Naila segun imaw sa importansya it scarecrow nga naga representa sa mga tema it pag-protekta.
Gin-eakip segun ni Lopez sa anang koleksyon ro ginapabugae it Aklanon nga piña fabric, agud maipakita ro kanami ag dedikasyon it mga Aklanon weavers kamana man para maisulong ro century-old piña weaving industry sa probinsya it Aklan. // ANN DESLENE SALAZAR
