Inaasahan na ng Tourism Office ng Subic Bay Metropolitan Authority ang pagdagsa ngayon ng mga turista sa Freeport.
Ito ay dahil sa maliban sa pagluwag ng restriksyon kung saan nasa Alert Level 1 na ang SBFZ ay summer season na at malapit na rin ang holy week.
Ayon kay SBMA Tourism Manager Jem Camba, malapit ang Subic Bay sa Metro Manila kaya karamihan sa mga bumibisita ay domestic tourist.
Bihira umano ang foreign tourist maliban na lamang noong 2018 na wala pang pandemya ay may mga cruise ship ang dumaong sakay ang libo-libong turista.
Sa ngayon dahil sa bumaba na ang kaso ng corona virus disease umaasa ang opisina na dadagsa muli ang mga turista na makakatulong maging sa mga stakeholders ng SBMA tulad ng mga hotel at accommodation stablishments.//Jen Bayot-BNFM OLONGAPO
