Reymund Titong
KABANKALAN CITY, Negros Occidental — Na-insulto si Cauayan Sanguniang Bayan Member Greg Carlo Sumugat sa social media post sang Negosyante nga si Jurry Nabaja may kaangtanan sa gina-alegar gakabaton sini nga pagpamahog.
Pahayag ni Sumugat, “As an elected official sa Cauayan, bisan ara man ko ukon wala sa administrasyon ni Tabujara, na-insulto ako nga imo ipost sa social media ang tinaga nga may “Multiple Threats” ka, samtang ginapakita ang footage nga nagapakita sang estruktura sang Municipal Hall.”
Ang ini nga pahayag ang nag guwa, tatlo ka adlaw matapos nag post ang negosyante sang isa ka video footage sa diin gina-alegar may mga tawo nga naka-pwesto sa munisipyo kag gina-alegar tuyo e-delay ang iya filing sang certificate of candicacy (COC) sang Oktubre 1 sa pagka-alkalde, kag may nagakabatunan ini sang madamo nga pagpamahog sa kabuhi.
“Sa tinuod lang, nalipay ako nga naga-bulig siya sa mga Cauayanon sa punto nga makatabang sa ila sini tagsa ka mga kinahanglanon sa matag-adlaw,” Pahayag ni Sumugat.
Apang para sa konsehal, daw nahimo nga ‘comedy’ ang una nga adlaw sang filing sang COC sa banwa.
“Tani ma-huna-huna niya ang iya gina-buhat kung ina maayo ukon indi. Sa mga tawo nga yara sa likod niya sini ukon utok sang nasambit nga arte ukon drama, tani namion nyo man dason para mapatihan. They have all the access to the police sang banwa,” suno sa konsehal.
Ginpahayag man ni Sumugat nga dapat kun may pagpamahog mag report gilayon sa mga kapulisan agud ma imbestigahan.
WALA NAKA GAMIT SI NABAJA SANG MGA GOV’T FACILITIES?
Ginsabat man ni Sumugat ang alegasyon nga wala ginapagamit ang grupo ni Nabaja sang mga pasilidad sang gobyerno kun may aktibidad sila sa banwa.
“All you need to do is to meet or schedule a courtesy call to the Punong Barangay, asking for permission to use the covered court or whatever. In school, send a letter asking the same thing to the principal or OIC. Of course, the BLGU will not permit nor allow you to use the facility if there are already scheduled activities,” pahayag ni Sumugat.
As of posting time, ginatinguhaan pa sang Brigada nga makuha ang sabat ni Nabaja angut sa mga pahayag sang konsehal.
DENIAL
Sa interview naman sang Brigada News FM-Kabankalan kay mayor John Rey Tabujara, iya gin-pahayag nga indi matuod ang mga gina-alegar pagpamahog sa kabuhi ni Nabaja.
Dugang pa sang alkalde, iya gina-respeto ang kinamatarong sa tanan nga magpapipili sa pwesto nga luyag nila, pero dapat mentinar ang matawhay nga estado sang banwa.
Suno man sa hepe sang banwa nga si Lieutenant Colonel Lowell Garinganao, wala sila may nabatonan nga complaint gikan sa bisan sin-o nga political aspirant sa banwa nga gin-harass sa pag-file sang ila COC. -BNFM Kabankalan
