Mainit ang pagtanggap ng Saudi business community sa Maharlika Investment Fund, matapos itong ipresenta ni Pangulong Bongbong Marcos sa round table meeting sa sidelines ng ASEAN-GCC summit sa Riyadh, Saudi Arabia.
Ayon kay Saudi Ministry of Investment Minister Khalid Al-Falih, itinuturing ngayon ang Pilipinas na “exciting market” sa ASEAN countries, kaya interesado silang malaman ang mga oportunidad sa pamumuhunan sa bansa.
Partikular anyang interesado ang Saudi business community sa Maharlika investment fund.
Kabilang sa mga nagpakita ng interes ay si Mulhan Albakree, ang Executive General Manager ng Public Investment Fund ng Kingdom of Saudi Arabia.
Samantala pinuri rin ni Al-Falih ang Pilipinas sa pagsisikap na gawing cashless society ang bansa sa taong 2030.
