MALAMPUSON ang gihimo nga sattelite registration sa Comelec Polomolok nga gipahigyon sa Barangay Silway 8 ug subli nila kini nga balikan sa adlaw nga Sabado.
Sa kumpermasyon ni Election Officer 4 Anwar Paidumama mokabat sa 129 ang ilang nadawat nga mga aplikasyon sa registrants, samtang naghangyo ang taga Purok Matin-ao nga magrehistro usab ang Comelec sa ilang lugar mao nga balikan sa Comelec ang Silway 8 sa umaabot nga adlaw nga Sabado.
Samtang ang schedule sa Barangay Polo, Polomolok sa umaabot nga adlaw nga Huwebis human nga naka-request ang ilang barangay.
Ginapahibalo usab ni Paidumama nga kon may registration sa barangay walay rehistro sa ilang opisina kay usa lang ka server ang ilang ginagamit.
Sunod semana musunod na ang registration sa Barangay Sulit, Bentong, Lapu ug Koronadal Proper.
