LEGAZPI CITY – Natumtom nin kalayo kasuudma an sarong harong sa Purok 6, Brgy. Bañag, banwaan kan Daraga, Albay.
Sa intrevista kan Brigada News FM Legazpi kay Bureau of Fire Protection (BFP) Daraga Investigation Unit Chief SFO1 Jade Malto, sinabi niya na nakaresibe sinda nin report manungod sa insidente alas 8 nin aga na tulos man nindang niresponderan asin fire under control na ini bandang alas 8:30 hasta madekalarar nang fire out alas 8:35.
Segun kay Malto, wara man ki nalugadan o nagadan makalihis an insidente, mantang padagos man an pigsasagibong imbestigasyon nganing maaraman kun ano an pinunan kaini.
Mientrastanto, basado sa datos kan ahensya, ini na an ika-18 kaso nin kasulo sa banwaan ngunyan na taon, kaya padagos an pagurimdom ninda sa publiko na mag-iringat orog na ngunyan na mainit an panahon.
[Photo from Google]
