LEGAZPI CITY – Lugadan an sarong motorista sa banggaan kun sain imbwelto man an sarong awto sa Purok 2, Brgy. Dinoronan, Daraga, Albay.
Binisto an mga imbwelto na sinda:
- Lawrence Salva Aguirre, 38 anyos, residente kan Brgy. Peñafrancia, Daraga, driver kan awtong Honda CRV color maroon
- Jayson Pido Matuguinas, 31 anyos, residente kan Bagong Silang Sucat, Muntinlupa, driver kan motor na Keeway MC color black
Sa inisyal na imbestigasyon kan mga otoridad, nagluluwas na paduman sa magkasuway na direksyon an duwang behikulo, kun sain pasiring sa Peñafrancia an awto, mantang hale man sa Maharlika Highway kan Malabog an motor.
Alagad, pag-abot sa lugar kan pinangyarihan, partikular sa may parteng intersection, biglang buminalyo an motorista na nagresulta sa pagkabangga kaini sa awto.
Tulos man dinara kan ambulansya sa haraning ospital an motorista para sa medikal na atensyon asin nasa kustodiya na kan Daraga MPS an mga imbweltong behikulo para sa magkakanigong disposisyon.
