LEGAZPI CITY – Dapat su boot na adalan ki maray kan mga Pilipino kun mapabor sa pag-amyendar kan Konstitusyon o dai.
Segun ini sa sarong abogado sa probinsya kan Albay na si Atty. Norly Reyes, Vice President for Administration and Finance asin Associate Dean kan Bicol University College of Law.
Sa intrevista saiya kan Brigada News FM Legazpi, sinabi niya na importante an pagbantay asin pag-aadal kun may kaipuhang baguhon sa mga probisyon kan Konstitusyon.
Sinabi niya, dapat magin basehan sa pagpili an magigin epekto kaini sa gobyerno asin sa Pilipino.
Dapat su boot na magin kritikal kun ang mga propwesto kan administrasyon makakaapektar sa publiko.
Mientrastanto, segun saiya, dai man nawawaran nin paglaom si Reyes na mabago an Pilipinas, huli ta an pagbabago nasa karakter dapat kan mga nasa serbisyo-publiko.
