LEGAZPI CITY – Ikinondusir kan Albay Provincial Agricultural Office (APAO) an kaenot-enoteng Kadiwa ng Pangulo sa Camalig ngunyan na taon.
Isinagibo ini partikular sa Albay Farmers Bounty Village sa Brgy. Cabangan na pinagpartisiparan kan labi 10 lokal na paraoma asin mga distributor.
Obheto kaining matabangan an mga paraoma na magkaigwa nin pagkakataon na makapagbakal sa paagi nin ‘farm-to-consumer food supply chain’ asin sa baratong presyo.
Mientrastanto, kasarabay man sa aktibidad an Diskwento Caravan kan Department of Trade and Industry (DTI) Albay.
Piglalaoman na magkakaigwa nin Kadiwa ng Pangulo sa probinsya sa mga petsa nin 15 asin 30 kada bulan.
