Hindi pa masabi ni vice presidential candidate at Davao City Mayor Sara Duterte kung makakasali ito sa mga debate na may kinalaman sa 2022 elections sa hinaharap.
Sinabi ni Duterte sa isang ambush interview na hindi pa ito napag-uusapan ng kanilang team sa ngayon.
Matatandaan na hindi dumalo si Duterte sa vice presidential debate na inorganisa ng isang TV broadcasting station noong weeked.
Iginiit ni Duterte na meron siyang mga rason, ngunit hindi niya dinetalye kung ano-ano ang mga ito.
Nilinaw rin ni Duterte na mas gusto niyang mangampanya at marinig ang mga sentimyento ng mga tao.
