Usa ug tunga ka bulan na ang nakalabay, apan hangtud sa pagkakaron wala pay matumbok nga responsable ang Special Investigation Task Group kon SITG nga naghupot sa kaso sa magtiayong Atty. Sitti Gilda Mahinay-Sapie ug Muhaimen Sapie ug pabilin kining unresolved.
Nunot kini sa pag-angkon ni Davao City Police Office Chief P/Col. Kirby John Kraft nga nalangan matud pa ang gihimong imbistigasyon sa SITG tungod sa kadaghang gihuptang mga kaso ni Atty. Sapie ilabi na sa bangi sa yuta.
Hinoon gikumpirma niini nga dunay mga tagbalay sa Solariega Subdivision ang boluntaryo nga nitabang sa otoridad apan walay bug-at nga testimonya ang nahipos sanglit buto sa armas lang ang nadungog ug wala nakita ag panagway sa mga suspek.
Padayon gihapon ang pagsubay sa kapulisan sa Land Transportation Office kalabot sa duha ka Sports Utility Vehicles kon SUVs nga posibleng gigamit nga get-away vehicles.
Gipasalig ni Craft nga magpadayon ang makuti nga pagpanubay sa kaso sa magtiayon aron mahatag kanila ang hustisya nag padayong gisinggit sa nabilin nilang mga kabanay. BNFM-DAVAO
