Mihatag ug traynta mil pesos ang National Housing Authority ubos sa Emergency Housing Assistance Program kon EHAP sa walo ka pamilya nga biktima sa sunog sa dakbayan sa Mati sa miaging tuig.
Miabot sa dakbayan ang mga opisyales sa National Housing Authority gikan Tagum City arun ihatag ang cash assistance sa mga pamilyang nasunogan.
Walo ka pamilya ang nahatagan ug 30 mil pesos karong adlawa, Agosto 31, sa Pelaez Covered Court nga gipangunahan sa City Social Welfare and Development Office Head Mea Belle Fontillas.
Tulo sa walo ka pamilya ang nasunogan sa Barangay Don Salvador Lopez niadtong Abril 23, 2020. Usa ka pamilya lumulupyo sa barangay Mamali ug nasunogan niadtong Hunyo 4, 2020.
Samtang ang nabilin nga upat ka pamilya nga nakadawat sa cash assistance nasunogan niadtong Septyembre 30, 2020 sa Matiao.
Karun lamang nahatag ang cash assistance sa mga benepisyaryo niini tungod sa kadaghanang mga nabiktima sa sunog na mas una pang nahitabo.
Ang lokal nga panggamhanan sa syudad sa Mati pinaagi sa CSWDO una ng mihatag ug assistance sa mga nasunogan niadto pang miaging tuig.
Cash assistance nga mikantidad ug 5 ka libo, food packs ug pipila ka livelihood assistance gikan sa CSWDO ang nahatag sa mga apektadong pamilya.
