MAS maayo matud pa nga adunay usa ka set sa equipment nga nakatambay sa sanitary landfill aron mamintina ang hustong pagtipig sa
basura.
Segun ni Ferdinand “Nonoy” Pareja, Department head sa Waste Management Office sa LGU-GenSan nga sa karon, walay kaugalinong mga heavy equipments ang syudad alang sa landfill ug nagahulam lang sa City Engineers Office nga gubaon na usab ug mas maayo gayud nga may kaugalingon nga equipments ang ilang buhatan nga magamit sa sanitary landfill.
Ang usa ka set gilangkuban sa bulldozer, dumptruck, ug backhoe nga wala ang syudad apan gipangitaan lang og pamaagi sa tabang sa pribadong kompanya.
Ang mga dagkong private company ang matud pa may kaugalingong nga ekipos nga maoy ginagamit usab nila sa pagtipig sa ilang basura ngadto sa sanitary landfill sa syudad ug libre lang kini.
Sa karon, bugtong solusyon matud pa ang pagpailalom sa public private partnership o PPP sa sanitary landfill alang sa mas maayong pag-operate niini.
