Accidental in nature ang tinukoy na sanhi ng sunog sa Manila Central Post Office.
Sa isang panayam, sinabi ni Interior and Local Government Secretary Benhur Abalos Jr., na base sa resulta ng imbestigasyon ng Bureau of Fire Protection, nagsimula ang sunog sa basement ng gusali kung saan ginawa na itong imbakan.
Mayroon umanong baterya ng sasakyan na nakaimbak sa basement.
Dahil nailabas na ang resulta ng imbestigasyon, hihintayin aniya nila ang magiging atas ng Presidente para sa muling pagsasaayos ng natupok na gusali.
Nauna nang ipinag-utos ni Abalos sa BFP ang mabilisang imbestigasyon ng sunog upang malaman ang puno at dulo ng pinagsimulan ng apoy na tumupok sa isa sa national historical landmark ng bansa.//CA
