Patay nga gin-daea sa Western Visayas Regional Hospital do sangka tricycle driver pagkatapos nga ging arado it sangka Toyota Hilux pick-up truck do anang gina-byahe nga tricycle sa Hernaez Street, Circumferential Road, Barangay Taculing sa Bacolod kahapon.
Ginkilaea do biktima kay Joel Co 39-anyos residente it Barangay Cabug, Bacolod, samtang ro driver man it Toyota Hilux hay si Oscar Corpuz 37-anyos residente it Barangay Napolis, Bago Bacolod.
Suno sa imbestigasyon it Police Station 6 nabuhayan sanda nga kilaeahon ro driver it tricycle sa rason nga uwa raya it ID nga daea o lisensya.
Base sa mga nakakita it natabo, do tricycle hay paadto sa Curcumferential Road halin sa Alijis, samtang do pick-up hay paadto sa Hernaez halin sa Libertad.
Dugang pa it mga nakakita, ga 50 metros ro eayo it pag-arado it pick-up truck sa tricycle halin sa signage it Total gas station, kong siin ro tricycle hay nawasak.
Sa makaron, do driver it Toyota Hilux hay sa kustodiya eon it Police Station 6.//MERIAM LUMBRES AGDIPA
