Dakop ro sangka eaeaki nga PWD sa ginkasa nga drug buy bust operation sa may D. Maagma St., Kalibo, Aklan kaina it hapon.
Ro suspek hay ginkilaea nga si Darwin Hapin y Reyes ‘alyas’ Alog, 50 anyos ag taga Brgy. Bulwang, Numancia, Aklan ag dating drug surrenderee.
Narekober sa buy bust ro sangka maisut nga sachet it suspected shabu ag nakarekober pa ro mga otoridad it dugang nga 2 sachets sa posisyon ag kontrol kara.
May narekober man nga pilang drug paraphernalia ag buybust money halin sa suspek. // ANN DESLENE SALAZAR
