Sangka estudyante sa banwa it Makato, Aklan ro nataw-an it regalo halin sa sangka miyembro it Makato Municipal Police Station.
Base sa post ni Angel Ibabao, nasaksihan kara ku Agosto 24 sa sangka mall sa Kalibo nga ginbakean ni PLT Merrifin Carisusa, ACOP it Makato MPS it mga school supplies ro sangka babayeng estudyante nga taga Makato, Aklan.
Owa’t eabot sa mga school supplies hay ginpakaun pa it nasambit nga pulis ro estudyante sa sangka sikat nga fast food chain sa nasambit nga mall.
Eubos man ro pasaeamat it estudyante sa mga bag-ong gamit sa eskwelahan nga gintao kana. / ANN DESLENE SALAZAR
