MAKATO, AKLAN — Sangka 40mm grenade ro ginsurender sa Makato MPS ku Agosto 8, 2022.
Ginsurender raya it sangka concerned citizen it Brgy. Poblacion Makato, Aklan samtang nagapatigayun ro Makato police it kampanya kontra sa loose firearm and explosive pinaagi it Tokhang Kuntra Armas Luthang (TKAL).
Ro nasambit nga granada hay sa kustodiya eon it Supply PNCO it Makato MPS ag nakataeana nga i-turn over sa EOD 6, para sa proper disposal.
Samtang, gin-engganyo ro publiko nga kung may armas nga bukon it lisensyado hay isurender eon raya sa mga kapulisan kung siin, may kabaylo raya nga 25 kilos nga bugas. / ANN DESLENE SALAZAR
