Hinatulang guilty ng Sandiganbayan ang 85-anyos na si dating Autonomous Region in Muslim Mindanao Gov. Nur P. Misuari at anim na iba pa.
Sa 68 pahinang desisyun ng Sandiganbayan, napatunayang guilty si Misuari sa dalawang kasong graft.
Ito ay may kaugnayan sa P77 milyon na halaga ng maanomalyang pagbili ng education materials noong 2000 at 2001.
Makukulong si Misuari ng mula anim hanggang walong taon sa kada kaso.
Pinagbawalan na rin siyang magkaroon pa ng posisyon sa gobyerno.
Samantala, abswelto si Misuari at anim na iba pa sa kasong malversation through falsification.
Sinabi ng anti graft court na nabigo ang prosekusyon na patunayang nagkasala ang mga akusado.