Ginpresentar eon sa Aklan Prosecutors Office ro suspek sa pag eabo sa may Brgy. Pampango, Libacao, Aklan.
Pormal nga ginpasakaan kahapon it kasong frustrated murder ro sambilog sa suspek nga si Renegie Sison, 31 anyos.
May gintaeana nga piyansa nga P200,000 ro korte para sa temporaryong kahilwayan it suspek pero bangud sa owa imaw naka piyansa hay ginturn-over raya sa Aklan Rehabilitation Center.
Samtang ro sambilog nga suspek nga si Josie Ritas hay padayun nga at-large.
Matandaan nga natabo ro pagpang eabo sa Sitio Balisong, Brgy. Pampango, Libacao, Aklan matapos harangon it mga suspek ro biktimang si Jayson Zonio, 27 anyos samtang sakay it anang motorsiklo ag gin eabo. / ANN DESLENE SALAZAR
