Pilang adlaw pa eang ro nagtaliwan matapos ro paghold-up kay Jemly Capilitan it Barangay Tabuc Suba, Iloilo, sambilog eun man nga kaparehong insidente ro natabo ku Marso 2, 2022.
Ginhana nga pagnakawan it nagpakilaea nga pasahero nga armado segun it kutsilyo ro sambilog ka taxi driver sa Barangay Buntatala, Jaro, Iloilo.
Nagsakay ro magnanakaw sa taxi ni Harold Bryan Loredo, 43, it Barangay Taging, Santa Barbara, Iloilo bandang 4:45 it kaaganhon sa Jaro plaza ag naghinyo raya nga ihatod sa Barangay Buntatala.
Pagkaabot sa lugar, nagdeklara eun it hold-up ro eaeaki pero nagsukoe si Loredo ag nagpalagiw man ro magnanakaw.
Nag-angkun it nina sa pila ka parte it kaewasan ro taxi driver ag presente nga nagapabuoeng sa West Visayas State University Medical Center./JIL B. LACSON
