Bangud sa pag-eapas sa COVID-19 health protocols, posible nga ipasarado ro sikat nga restobar sa Smallville Complex sa Iloilo.
Ginpahayag it lokal nga gobyerno nga ginarekomenda it Compliance Team it siyudad ro pagsarado it Lanai Resto Bar bangud sa uwa pagsunod sa mga ginapatuman nga mga minimum health standards, kapareho it physical distancing ag pagsuksok it face mask.
Nauna eun nga nagpaandam ro gobyerno lokal nga ipasarado ro mga bar, nightclub, ag iban pa nga mga establisyimento nga naga-eapas sa health protocols.
Magahiwat man it inspeksyon ro mga compliance officer ag personnel it Public Safety and Transportation Management Office (PSTMO), Task Force on Moral Values Formation (TFMVF), Business Permits and Licensing Division (BPLD), ag Iloilo City Police Office sa mga establisiyemento.
Ginpaandaman man ro publiko nga maging responsable sa pag-inom it aeak agud mapadayon ro kahilwayan ag malikawan ro aksidente sa trapiko./JIL B. LACSON
