Ginmanduhan it Department of Trade and Industry (DTI) ro mga online sellers nga ibutang ro presyo it andang mga produkto nga gina-post sa maeain-eain nga mga digital shopping platforms.
Dugang pa it teatapan, dapat man nadna nga likawan ro paghambae sa mga manugbakae nga i-message sanda it pribado para sa presyo it mga prdukto nga andang ginabaligya.
Sa idaeom it Consumer Act of the Philippines, ginhambae ni DTI Iloilo officer-in-charge director, Felisa Judith Degala, nga pag-eapas sa laye nga mag-alok it anuman nga produkto sa mga manugbakae sa publiko nga uwa it nakabutang nga label it price tag.
Dugang pa it DTI bilang sambilog ka manugbakae dapat tanan nga impormasyon hay available sa anda agud magamit ro karapatan nga magpili.
Ginhambae ni Degala nga may karapatan ro mga naugbakae nga ireport sa mga otoridad o sa taeatapan it DTI ro mga online sellers nga naga-eapas sa nasambitan nga laye./JIL B. LACSON
