Bumuhos sa Quirino Grandstand sa lungsod ng Maynila ang mga tagasuporta ni Pangulong Rodrigo Duterte para sa Salamat, PRRD thanksgiving concert.
Ayon sa direktor ng naturang concert na si Njel De Mesa, pasasalamat umano ito sa lahat ng supporters at volunteers ni Duterte sa loob ng anim na taon na panunungkulan sa bansa.
Kabilang si Arnell Ignacio, Marielle Rodriguez-Padilla at Bayani Agbayani sa mga naging hosts ng nasabing event.
Samantala, kabilang sa mga nag-perform sina Ice Seguerra, Jed Madela, Andrew E., Robert Seña, Isay Alvarez, Dulce, Freddie Aguilar at Martin Nievera. (ARGIE ERGINA)
