LEGAZPI CITY – Nagsagibo ki meals on wheels asin project makeover an Diocese of Legazpi – Social Action center sa sarong barangay kan Daraga, Albay.
Ini an ikinondusir sa Quasi Parish sa Barangay Bascaran sa pagtatapos kan selebrasyon kan Nutrition Month kun sain bilang parte kan aktibidad sinda an nagdistribwer ki school supplies, tsinelas dugang pa an pagtatao ni libreng pagkaon, asin iba pang serbisyo, durante kaini, labi an pasasalamat kan mga kaakian orog na kan mga magurang.
Sa ngunyan, padagos an pagsasagibo kan opisina ki siring na aktibidad kun sain sinda an naglilibot-libot sa manlaen-laeng parte kan probinsya nganing magtaong suporta sa gabos na nangangaipuhan na mayor na obhetong matabangan an komunidad na dae masyado natututukan arog kan para sa mga malnourished children, kaiba na ang pagtatao sainda ki medical assistance.
