GIKALIPAY ug ginadayeg sa PWD sa GenSa si President Bongbong Marcos Jr. sa iyang ikatulo nga State of the Nation Address ilabi na ang paghatag niini og pagtagad sa ilang sektor
Apan gipanghinaot sa kanhing federation president sa mga grupo sa dakbayan nga dili lang kutob sa baba ang paghatag sa mga programa ug proyekto nga alang sa sa ilang hanay.
Sumala ni Jose Patriarca nga ilang ginapasalamatan ang pangulo nga wala nakalimtan ang ilang hanay ug mas labi pa nila kining pasalamatan og matuman ang tanan.
Duda si Patriarca nga basi ug tungod sa nagkaduol ang eleksyon maong gisaaran sa pangulo ang mga PWD.
Kahibaloan nga pinaagi sa SONA sa Pangulo gipaniguro niini ang epektibong implementasyon sa maayong opurtunidad, special intervention, mga insentibo sa nahisgotan nga sektor ug ang paglusad sa PhilHealth sa mga benipisyo sa mga bata nga adunay mga kakulian sa panglawas. I Danny Casi
–
