LEGAZPI CITY – Minamawot kan Public Safety Office Daraga na repasuhon an mga ordinanasang may kinaraman sa trapiko sa Daraga. Ini an hale kay PSO Daraga Chief PMAJ Gilbert Otivar, kun sain obheto kaning mas magin organisado an banwaan asin nganing masiguro na magin maray an dalagan kan trapiko sa lugar para man sa ikakarahay kan publiko.
Kasarabay na digdi an mga bago asin mga lumang ordinansa na ipigpasar kan sangguninang bayan nganing liwat na mapag-adalan dugang pa kun may kaipuhan baraguhon nganing masiyerto na nakakabenepisyo pa ini sa gabos orog na sa mga motorista.
Sa ngunyan, padagos an mga piggigibong lakdang kan opisina koenktado sa pag-asigurar kan kaligtasan kan kagabsan asin seguridad sa tinampo sa bilog na banwaan.
