Padayon gihapon nga gina require it local nga pamunu-an it probinsya’t AKlan ru RT-PCR Test result sa tanan nga mga turista nga naga bakasyon sa isla’t Boracay.
Raya ru kompermasyon ni Aklan Governor Florencio Miraflores sa pihak it pag haeoga it mga health protocols it gobyerno sa mga fully vaccinated individuals.
Suno kay Miraflores, gin decisionan it Provincial Inter-agency task force na i-waive ru pag baton it mga vaccination cards bilang requirement sa pag sueod sa Boracay dahi madali ra sigun nga ma peke.
Dugang pa ni Miraflores, bukon it maeomo ru pag beripika it mga nasambit nga vaccine cards bangud raya hay gina panao nga printed-out document eamang halin sa mga vaccine sites, bukon it kapares sa mga RT-PCR tests results kun siin makita ru mga contact details it laboratory nga nag himo it test. //MARIVIC Y. ILIN
