Matapos ang higit sa dos pesos na rollback sa presyo ng mga produktong petrolyo noong nakaraang linggo – asahan naman kakaunting paggalaw sa oil prices next week.
Ayon sa oil industry sources, mababa lamang ang paggalaw na inaasahan sa presyo ng gasolina.
Posible umanong mayroon itong umento na diyes sentimos sa kada litro; ‘o di kaya’y rollback na bente sentimos.
Sa diesel naman, posible ang rollback mula P0.90 hanggang P1.20; habang P0.20 naman hanggang P0.50 ang inaasahang tapyas sa kada litro ng kerosene.
Asahang iaanunsyo sa araw ng Lunes ang opisyal na price adjustment habang ipatutupad naman ito simula sa Martes.
#
