Ipapatupad ngayong araw ang magkakaibang galaw sa presyo ng petrolyo sa bansa kung saan tuloy ang rollback sa diesel at kerosene, habang tataas naman ang presyo ng gasolina.
Sa advisory ng Pilipinas Shell Petroleum Corp, Caltex, at Seaoil Philippines Corp., parehong bababa ang presyo ng diesel at kerosene ng P.95 sentimos kada litro at bahagyang tataas naman ng P.55 sentimos sa kada litro ng gasolina.
Ang naturang galaw sa presyo ng petrolyo ay makaraan ang malakihang rolbak noong Oktubre 10 kung kailan binawasan ng P3.05 ang litro ng gasolina, P2.45 sa diesel at P3 sa kerosene.
Dahil sa panibagong galaw sa presyo ng petrolyo, naitala sa P12.25/litro ang itinaas sa gasolina mula nitong Enero 1, P11.35/litro sa diesel at P5.94 sa kerosene.
