Nanindigan si Vice President Leni Robredo ang kaniyang panawagan na dapat ay mabuwag ang National Task Force to End Local Communist Armed Conflict (NTF-ELCAC).
Sinabi ni Robredo sa isang press briefing sa Batangas na dinu-duplicate lamang ng task force ang functions na meron na ang ibang mga ahensya.
Dagdag ng Bise, maganda naman ang intensyon ng anti-insurgency task force.
Pero ayon sa Pangalawang Pangulo, pwedeng mauwi sa harassment balang araw ang pagbibigay ng sobra-sobrang kapangyarihan na mula sa gobyerno.
Naniniwala naman si Robredo na mas makabubuti kung gagamitin na lamang ang pondo ng NTF-ELCAC bilang suporta sa health care workers na nasa frontline ng COVID-19 response.
Matatandaan na isiniwalat ni Senator Sonny Angara sa deliberasyon sa Senado na nasa 26 lamang mula sa 2,318 proyekto na pinondohan ng NTF-ELCAC gamit ang P16.4-billion Barangay Development Fund ang nakumpleto.
