Gi-imbestigahan karon sa kapolisan ang anggolong rido ang posibling motibo sa pagpamusil patay sa usa ka lalaki sa Yacapin St. Cogon Market ning syudad sa Cagayan de Oro.
Naila ang biktima nga si Samiroden Dumato Manali, 45-anyos residente sa brgy. Camaman-an ning syudad, usa ka sikad ug habal-bahal driver.
Read More: Authorities raid Davao steel plant after alleged radioactive, substandard steel discovery
Sa imbestigasyon gibutyag ni Police Station 2 Cogon Station Commander Police Captain Aldulcahar Armama nga planado ang pagpamusil tungod sa wala pa kini nahitabo, nakadawat na ang pamilya sa biktima og pasidaan.
Subay niini, milusad na sa hot pursuit operation ang kapolisan aron madakpan ug suspek ug mahatagan sa hustisya ang biktima.
