Nabigyan ng pagkakataon ang mga residente ng Iba, Zambales na makabili ng bigas sa halagang bente pesos kada kilo.
Ito ay sa pamamagitan ng Rice Subsidy Program ng Ikalawang Distrito ng Zambales at ng Lokal na Pamahalaan na ngayon ay nasa ikatlong linggo na.
Ayon kay Vice Mayor Joan Ballesteros, mayroong nakalaang araw at oras sa bawat baranggay para sa paghahatid at pagbebenta ng bigas.
Ang mga pamilya ay nabibigyan ng pagkakataon na makabili nito mula limang kilo o depende sa kung ilan ang myembro ng isang pamilya.
Matatandaan, dati na ring inilunsad ng 2nd congressional district ng probinsya ang programa ang ilang mga bayan para matulungan ang mamamayan lalo na ngayong mahal ang presyo ng bigas.//Jen Bayot-BNFM OLONGAPO
PHOTO: LGU IBA
